الأربعاء، 30 نوفمبر 2011
الخميس، 17 نوفمبر 2011
Versace for H&M
H&M تعاونت مع Versace لأطلاق كوليكشن جديد تحت شعار Versace for H&M وهذا الكولكشن راح يكون متوفر ابتداء من اليوم في فرع H&M ببرج المملكة بالرياض
دخلت موقع H&M عشان اتأكد في أي فرع حيكون الكوليكشن الا وهم معتذرين انه موموجود في السعودية O_o
هههههه الظاهر H&M ماودهم احد يجيهم؟!!! :)
ماعلينا المهم هنا صور اخذتها من موقعهم وحسيت الأسعار معقولة نسبة الى انها تحت اسم Versace
توقعت الاسعار بالالاف
الاسود اللي على اليمين عبارة عن بلوزة وتنورة لكن أضفتهم لبعض بالفوتوشوب لان الموديل مرة عجبني على جيسيكا.. شوفوه في الصورة اللي تحت مع غيرها من المشاهير اللي حضروا حفل الافتتاح في نيويورك
الكوليكشن يحتوي على ازياء رجالية بس ماركزت عليها بيكوز اي دونت كير (because I don't care) :)
الثلاثاء، 15 نوفمبر 2011
الطباعة على الأظافر
شفت هالمنتج ينباع قبل فترة
في المنتديات النسائية وفي نفسي أقول ياكثر الخرابيط اللي يبعونها هالحريم
ههههههه. لكن يوم شفت المناكير في هذه الصور انهبلت ويوم بحثت في غوغل طلع
هالخربوطي اللي موعاجبني هو اللي يصلحها :)
الشركة الأصلية المنتجة له اسمها Konad وطبعا الصينين ماخلوا شي لكن حسب بعض الريفيوز فرق الجودة واضح في الزخارف المطبوعة. على العموم اللي ودها تشوف كيف تستخدمه هنا مقطع باليوتيوب
الخميس، 10 نوفمبر 2011
اغطية علب مناديل من الكتان
غالبا اغطية علب المناديل المصنوعة من القماش ماتعطي فخامة مثل المصنوعة من الخشب او الاكريليك او الجبس. اذكر وانا صغيرة كان الغالب استخدام الاقمشة مثلا ستان وطقمي معه سلة المهملات او صوف بالكروشيه او حتى الاقشمة العادية مثل القطن والتل. اما الحين فالغالب استخدام الانواع الصلبة وحاليا أدور لغرفة الضيوف علب مناديل والى الآن ماحصلت شي يعجبني (من كثر اللي شفتيه P:)
اللي خلاني اكتب موضوع اليوم هي الأغطية المصنوعة من الكتان. فيها فخامة ورقي وفي نفس الوقت ناعمة ومع التطريز تطلع أروع.
الاثنين، 7 نوفمبر 2011
الرمادي والأصفر: سحر لاينتهي
أذكر أول مرة شفت فستان بالرمادي والأصفر لأحد الفنانات العالميات ومرة ماعجبني هاللونين مع بعض لكن مع الوقت بديت اتقبله في اللبس أما في الديكور فهو حكاية ثانية... منجنة عليهم بشكل موطبيعي وودي اقلب اي غرفة عندي واثثها بدرجات هاللونين. لين ماتتسهل وأغير ديكور غرفة خلونا نشوف بعض الصور لغرف نوم واكسسوراتها بالرمادي والاصفر الجميلين.
- http://danandhaleyhill.blogspot.com/2011/06/master-bedroom.html
- http://www.kagozi.com/gray-and-yellow-bedroom-design-is-good-ideas-for-your-home/gray-and-yellow-bedroom-design-2/
- http://www.tchochkes.com/wordpress/colorways-gray-yellow/
- باين من الصورة ان الخامة حرير... مغري بصراحة :)
- http://www.casasugar.com/Steal-Day-Style-Co-Lotus-Blossom-Bedding-1576526
- كرسي أصفر... صاحبته صبغته ولبسته بنفسها
- لوحة كانفاس ممكن ترسمينها بنفسك
- غرفة نوم رايقة وعجبتني الكومدينات الصفر بالذات
- http://www.twolia.com/blogs/dwellingsanddecor/2009/03/04/room-of-the-day-yellow-charcoal-gray-bedroom/
- سجادة بالرمادي والأصفر... تهوس♡
وأخيرا غرفة نوم بالرمادي والأصفر وداخل معهم الابيض روعة من مفرش السرير للثريا للمرايا والاباجورة.. انا متأكدة اني اضفتها للصور اللي فوق لكن الظاهر اختفت بين اللايرز :(
الأحد، 6 نوفمبر 2011
الثلاثاء، 1 نوفمبر 2011
عطر ايلي صعب
نزل المصمم اللبناني ايلي صعب عطر سماه "Elie Saab Le Parfum" وجربت عينة منه وكانت ريحته حلوة وأصنفه من أفضل العطور اللي جربتها. عطر راقي وفخم وينفع للسهرات... موهذا الهدف أساسا :)
العطر يجي في 3 احجام 30 و50 و 90 مل. ومتوفر مجموعة عناية بالجسم بنفس الرائحة:
- لوشن للجسم 200مل
- كريم استحمام 200مل
- كريم للجسم 150مل
- مزيل للعرق 100مل
الاشتراك في:
الرسائل (Atom)