Mothercare Highchair

حبيت اليوم أعمل تقريرعن كرسي مذركير للأطفال. للأسف أنا فاشلة في التعبير وكتابة التقارير فاعذروني اذا ماكان بالمستوى المطلوب

هذا الكرسي جاني هدية في بنتي البكر ولمن فكيته عجبتني ألوانه وشكله البسيط وفكرة انه يتطبق وينرفع على جنب

بدأت بتركيبه وللأسف ماأذكر وش سويت بالضبط لكن ماكان صعب يعني تقدر الأم لوحدها تركبه

نجي للعمر مكتوب يناسب الأطفال من 6أشهر لكن كان كبير على بنتي مع أنه عمرها 6 أشهر وكانت لسة ماتعرف تقعد وظهر الكرسي حشوته خفيفة يعني ماتدعم الطفل

والعيب الفادح اللي كرهني بالكرسي هو أحزمة الأمان..

 للأسف الاحزمة كلها مخيطة في مقعد الكرسي وحتى اللي المفروض تثبتها لظهر كرسي مخيطة من تحت. لو تشوفون الصورة تلاحظون مافي أي أحزمة في ظهر الكرسي!!! واذا جيتي تجلسين الصغير لازم تحطينه وبعدين اسحبي الأحزمة من تحته ولبسيه الحزام على الكتف مثل الشيال في البنطلون او الأوفرال. يعني مجهود زايد يتعبك ويتعب الصغير وانت تسحبين الأحزمة من تحته كان ممكن الواحد يتجنبه لو الأحزمة مخيطة في ظهر الكرسي مو تحت.

العيب الثاني في الكرسي هو الطاولة: الطاولة مثبتة ماتقدرين تنزلينها وبنتي لمن قربت السنة ضاق الكرسي عليها واتعب عشان أحطها فيها بسبب ضيق المساحة.

من ناحية التنظيف كل اللي تقدرين تسوينه انك تمسحين الكرسي وطاولته بفوطة وانتهينا. الطاولة مثبته مثل ماقلنا وغطاء الكرسي بعد مثبت يعني ماتقدرين تفكينهم وتغسلينهم بالماء والصابون.

خلاصة التقرير هالكرسي كرهته أنا وبنتي، عيوبه أكثر من مميزاته. صعب في ادخال واخراج الطفل وصعب تنظيفه.

ان شاء الله يعجبكم أول تقرير أكتبه في المدونة :)